ජෝන් සීනා රෙස්ලින් පිටියට සමු දෙයි...[VIDEO]

 සුප්‍රසිද්ධ හොලිවුඩ් නළුවකු මෙන්ම රෙස්ලින් ක්‍රීඩකයකු වන 47 හැවිරිදි ජෝන් සීනා WWE රෙස්ලින් පිටියෙන් සමුගන්නා බව අද (07) නිල වශයෙන් ප්‍රකාශයට පත් කර තිබෙනවා.

වසර 20 ක් නොයෙකුත් බාධක මැද රෙස්ලින් ක්‍රීඩා පිටියේ තරඟ කරමින් ජයග්‍රහණ රාශියක් අත්කර ගත් බවත් ලබන වසරේදී තමන් WWE රෙස්ලින් පිටියෙන් සමුගන්නා බවත් ජෝන් සීනා පැවැසුවේය. බොහෝ දුරට ලබන වසරේ පැවැත්වෙන රෙස්ල්මේනියා තරඟවලියේදී තම අවසන් රෙස්ලින් තරඟයට මුහුණ දීමට තමන් බලාපොරොත්තුවෙන් සිටින බවද ඔහු ප්‍රකාශ කළා.

වර්ල්ඩ් රෙස්ලින් එන්ටර්ටේට්මන් ආයතනයේ අද (07) පැවැති මනී ඉන් ද බෑන්ක් තරඟයට සහභාගී වීමෙන් අනතුරුව ඔහු මෙම අදහස් පළ කළා.

2001 වසරේදී ලෝක මල්ලවපොර සංදර්ශන සඳහා එක් විය.සිය මල්ලවපොර සංදර්ශන දිවිය තුළ ඔහු 16 වරක් ලෝක ශූරතාවය හිමිකරගෙන වාර්තා පොතට එක්ව සිටී.සිය අවසන් සංදර්ශනය 2025 වසරේ දී ලාස් වේගාස් හි පැවැත්වීමට තීරණය කර ඇත.