දේශීය ආදායම් බදු දෙපාර්තමේන්තුවේ 2024 වර්ෂයේ ජනවාරි සිට ජූලි මස දක්වා මාස 06 ක කාලයක් තුලදී මෙරට බදු ගෙවන්නන්නේ සංඛ්‍යාව තුන් ලක්ෂ දාසය දහස් දෙසීය හැට හතරකින් (316,264) කින් ඉහළ ගොස් ඇති බව දේශීය ආදායම් බදු දෙපාර්තමේන්තුවේ විගණන නිලධාරියෙකු සමඟ කරන ලද විමසීමක දී පැවැසීය.
ඉකුත් 2023 වසරේ දෙසැම්බර් 31 වනදා වන විට සමස්ථ බදු ගෙවන්නන්ගේ සංඛ්‍යාව 997, 858 ක් වූ අතර එම සංඛ්‍යාව 2024 වසරේ ජූලි 31 වන විට 1,314,122 දක්වා ඉහළ ගොස් ඇති බව එම විගණන නිලධාරියා සඳහන් කරන ලදී.
ඉකුත් 2023 වසරේ ජනවාරි පළමුවනදා සිට දෙසැම්බර් මස 31 වන විට දී ආදායම් බදු ගෙවන්නන්ගේ සංඛ්‍යාව 1,182,210 දක්වාත් අනෙකුත් බදු ගෙවන්නන්ගේ සංඛ්‍යාව 131, 910 දක්වා වැඩි වී ඇති බව දේශීය ආදායම් බදු දෙපාර්තමේන්තුව සඳහන් කරයි. මේ අතර දැනටමත් TIN අංකය ලබා ගෙන ඇති පුද්ගලයන් සංඛ්‍යාව මෙරට 4,577,303 කි.
චන්දන සමරවික්‍රම
